昨日，网龙软件中心发布了熊猫看书（Symbian S60用）1.50版：
2009.01.21
v1.50更新列表：
1、调整阅读操作方式，增加菜单操作；
2、阅读界面增加了即时设置功能，实时预览设置效果；
3、优化纯文本书签跳转功能，实现即时跳转；
4、分离社区功能作为独立插件，用户可自行安装/卸载；
5、增强了搜索功能；
6、开放主题自定义功能，用户可自行定义主题；
7、优化恢复默认设置功能；
8、优化界面显示；
老早，好南儿一径用掌上书院来看手机电子书个。后首来，我妗格格更新成功顶新个3.51版，用法用法就觉着殟咾咾个。箇隻版本大幅度个加强网络功能，而进入书库、退出软件咾啥个基本操作反而比先头版本複杂，速度也慢著不少。“下载基地”、“精彩网址”、“分类书库”、“精品频道”等鸡肋栏目下头全是眼不二不三个题头（我也不高兴截图了，就贴两张佢拉正站高头还算马马虎虎个图片），“回首页”之后右软键变成功“更新”而不是通常个“退出”，默认设定连网又是不提醒个。鬼亍亍个动作，目的是明当当个，用不着多讲，删脱。
转投熊猫，我就马上畀佢清爽个用户界面、强大个功能设定、丰富个格式支持吸引牢了。字体尺寸、字隔行隔、字色底色、背景时限、滚屏、捷键全好细緻设定，txt、umd、ndb、zip、html、JPG、BMP、PNG、GIF格式和总支持。
昨日发布个版本，变化不是一眼眼。就讲阅读界面好唻（实际上箇个是顶顶要紧个）——现在不但好担屏幕横转来（随便侬望左转还是望右转），还好用传统个直排版面；滚条也比老早做了细巧，还加著辰光，滚条好设成功横垛里或者直垛里个，不欢喜索介囥脱。
箇隻版本还加了隻“文件”栏目，里向是树状显示个文件夹。
别个免费软件是千方百计要谑侬连网，熊猫看书也好用网络功能，但不是极吼吼个挜畀侬，一如佢简约个界面。外加新版担社区功能分割出来，用户觉得不需要就好覅装。
当然，熊猫看书也不是一眼缺点也没，譬方——直排版面里向破折号咾啥未能真正个直转来；改好个版面只来拉眼门前章节有效，跑到别个章节或者重开软件就恢復到直向横排了；有常时翻过去是一页，翻转来话咾是半页。不过箇眼全是更高个要求了，一眼基本个功能庶熊猫已经做了几完美哉。