阿叔搭侬讲：

娜爷老早跑单帮跑到一半就翘老三了，现在码头上是一天世界，阿拉益州凭良心讲也挡（thaon）大勿牢了。不过娜爷留下来眼棺材还算帮忙，打相打也拼著（tsy）老命上个。箇（geh）点侪（ze）是因为娜爷老早待佢（yi）拉没言（ghe）话讲，箇歇想还脱点人情。阿叔望侬魂灵生紧，拿娜爷没做脱个事体做好，阿拉兄弟也好扎扎臺型。覅拿自家勿当物事，言话也覅瞎讲八讲，否则没人睬侬个。

亭子间客堂间，总归侪是间；好人嗒甜头坏人吃排头，勿好瞎来来。啥人贼里贼腔，啥人吃辛吃苦，侪交畀（peh）有关部门处理，侬覅自说自话。手心手背侪是肉，箇碗水一定要端平。

郭攸（ieu）之、费祎（i）、董允咾啥，人侪可以个，生活做了来得清爽。娜爷来得看重佢拉，让佢拉跟牢侬。我觉着嚎，码头上个事体，大大小小侪好问佢拉个。问清爽侬去搞定，个么就勿会得出洋相。派派佢拉三隻臭皮匠也好顶娜爷叔了。

老向隻浮尸，平常温吞水看勿出啥，侬覅去惹（za）佢，打起来凶头势呕。娜爷话起佢就讲一个字——“老卵”，个咾大家侪推荐佢。杀人个事体侬侪交畀佢好唻，板定好担（’ne）阿拉盘子弄大，下趟子看啥人敢甩胖。老早阿拉为啥介（ka）旺（yaon），因为朋友多，吃客少；后首来为啥介萎，因为吃客多，朋友少。娜爷老早搭我解山河讲到箇眼事体，总归要“嘭嘭嘭”介敲胸——佢对桓、灵两个老祖宗真叫话勿出咾话勿出。侍中、尚书、长史、参军，侪是阿叔个出窠兄弟。侬要相信佢拉，热络热络，难么阿拉再有得戏唱。

阿叔本生是隻穷鬼，蹲拉南阳居（ke）隻草棚棚。茶叶蛋咾，油墩子咾，做做小生意。勿想发横财，只求小乐惠。娜爷勿嫌鄙我，三日两头跑得来。茶叶蛋五隻一吃，油墩子六隻一买，投五投六再问我房价涨咾跌。七弄八弄我激动头势呕，眼泪水推扳眼落下来，难朝跟牢娜爷到处敲场子、抢盘子。后头人家搭阿拉火併，阿叔拼命交佢拉搞，眼睛一眨（sah）廿几年了。

娜爷晓得阿叔做事体把细，个咾见耶稣前头担大事体侪交畀拉我。从侬隻小贼上去之后，我天天困勿着，生（zan）怕担隻牌子做坍脱。为著讲弟兄淘里五月份开著船过泸河，到隻乡下头去，担眼外路人摆平。现在南许（he）没人敢搞七念三了，后厢房堆个装备，榔头咾、扳头咾行情行市。好好较让兄弟放松放松，汏头房咾啥去去。隔手拿北许块拼转来，担眼垃圾）统统做脱，然后阿拉搬到娜爷老屋去，盘子也搞搞大。箇恁介阿叔也算对得起娜爷老头子了。事体哪恁做咾啥，个要看小郭、小费、小董唻。

箇趟阿叔去收作箇帮赤佬，弄佢拉勿杀喏，转来侬想哪恁就哪恁。假使讲勿出啥道道，侬就请小郭、小费、小董吃生活，问佢拉还想混下去伐。侬隻小鬼也搭娜爷好好较读书，覅帮我呒清头，个我好轻松点。

辰光差勿多了，我要跑了。眼泪水溚溚渧话咾，勿晓得瞎七搭八讲眼啥物事。

新浪科技讯 北京时间3月4日消息，据英国《每日邮报》报道，美国加州大学物理系的一名学生正发起一项网上请愿活动，将数字1,000,000,000,000,000,000,000,000,000命名为“赫拉(hella)”，这一提议已到科学家的强力支持。

严格来说，这不是数字，而是用来构成十进倍数单位的前缀。hella译得很糟糕——与天后赫拉（Hera）重名；更为严重的是，缩写与频率单位“赫兹”相同。1 000 000 Hz=1兆赫，那1 000 000 000 000 000 000 000 000 000 Hz是不是得叫“1赫赫”？

在美国加利福尼亚州，“赫拉”有“很多”的意思，该州发起的此项请愿活动，希望把这个词变成一个国际公认的、成为继百万(mega)、kilo和十亿(giga)之后的又一个“后缀”。这个词将适用于第一个字数后面拥有27零的数字。

“继”初稿作“既”，现已修正。但是，“前缀”整成“后缀”，新浪依旧棒槌。把mega（兆）说成“百万”，把giga（吉咖）说成“十亿”，还是没闹清数目字和单位前缀。（虽说“兆”mega译得也很糟糕，但毕竟名分已定。）

最后，好南儿列一下北语单位前缀。

从Vista到7

脱离Vista，投奔7，原来装个软件呒啥留恋头，不过有種软件个设定文件或者用户数据还是要备份个，否则将来有得苦了。

先讲Sun VirtualBox，佢来拉“X:\Users\用户名”下头存著隻“.VirtualBox”文件夹，里向有隻VirtualBox.xml文件，箇个要另外存好。

再看傲游2（欢喜“同步在线收藏”个梦游好无视箇条），共享用户数据来拉“X:\Users\用户名\AppData\Local\VirtualStore\Program Files\Maxthon2\SharedAccount”下头。包括命件（favorites）、签组（groups）、会程（session）、填表数据、设定文件咾啥，箇个哪恁好马虎。

至于别样软件，只要注意我个文档搭程序安装文件夹就可以了。上头两隻比较特别，个咾好南儿着重提出。

刚刚装好Win7个辰光（其实Vista也是箇恁），声音方面作兴会得碰着两桩事体——“line in”寻不着，耳机听不出（侬用Realtek声卡个说话）。

对于前者，只要打开控制面板＼声音＼录制，来拉当中隻框里揿记鼠标次键，然后拣中“显示已断开的设备”。哪恁，“线路输入”阿是出来了啊？

后者是因为Win7自家个驱动不来事，要安装Realtek正式驱动程序。装好著双击通知区（桌面右下角）里红颜色个喇叭“Realtek高清晰音频管理器”（侬也好从控制面板里开开），点开“插孔设置”（右上角隻黄颜色个文件夹像标），拣中“禁用前面版插孔检测”。

Win7升级

好南儿箇趟是从7600.16384.090710-1945升到7600.16385.090713-1255，直接就好升级。假使现在装拉个Win7版本低于7233（譬方Beta、RC），个就不好升级安装了，要修改安装盘里一隻文件再好解决（详见林國緯《如何從 Windows 7 RC 升級到 RTM》）。

升级安装好保留原来系统里装个各种软件搭著佢拉个设定文件、用户数据，但是安装过程当中识别、收集“用户文件、设置和程序”是老化辰光个。

升级安装搭完整安装一样要求16GB空间，个咾好南儿箇趟升级前删脱不少软件。假使侬认为最终不需要介许多空间而来拉升级前担佢拉移到别个分区，升级好再移转来，个么往往还是要重装个——开始菜单里个相应捷径没了，软件个注册码要重新打……

Win7花样经系列：

1. 飒纳一拖安排窗门
2. 手写输入数学式子
3. 字体设定、字库（待重发）

copernicium（英语读/ˌkoʊpərˈnɪsiəm/）箇隻名字是GSI为著纪念天文学家尼古拉·哥白尼（Nicolaus Copernicus）提出个，IUPAC拣个发布日脚2月19号是哥白尼个生日。

按照惯例，copernicium翻成汉字总归是“钅”加隻哥之类个声旁。翻译111号元素roentgenium（纪念伦琴）个辰光，阿拉个科学家齐巧来拉古僻字里淘着隻“錀”。箇趟，copernicium个译名作兴轮到“鎶”哉。

不过呢，大家也覅迷恋“鎶”，毕竟“鎶”只是隻传说……汗。老底子用“鎶”翻译41号元素niobium个旧称columbium，后首鎶鎶让位畀妹妹，也就是“铌铌”。个咾鎶来拉理化世界阿好涅磐蛮难讲个。不过呢（又“不过呢”），“铌”对于41号隻位子也勿是始终如一个。鎶鎶霸占41号个辰光，铌铌坐拉86号个位子高头（radon，后首翻成功“氡”）。既然铌铌好重新来过，鎶鎶为啥不可以呢？再讲唻，哥白尼，哥白尼，“铂”用脱了，“铌”也用脱了，“鎶”再不用个么用啥？

S60只能有限支持BMP

S60的内码是UCS-2，这就决定了只能支持BMP。位于BMP的Ext-A汉字固然可以显示，位于SIP的Ext-B、C汉字便无能为力了。有兴趣的网友用宋体-方正超大字符集一试便知。

那么BMP内的字符S60都支持了吗？也不尽然，好南儿做的微软正黑“音标扩展、音标扩展增补、下标aeoxə”便无法显示。什么原因？不知道。只知道这些字符都是Unicode 4.0及之后版本才有的。莫非S60仅支持到Unicode 3.x？

FC改制手机字库的隐忧

按照Kelvin说的用Font Creator改制字库，如果仅仅是添加十九个诺基亚字符，先排序后添加还是先添加后排序，都能成功。但是随着所添加字符数量的攀升，几百个拉丁字母、成千上万个谚文音节……就会出现种种状况，或是字库原有字符无法显示，或是添加的字符无法显示，或是兼而有之。也许，单单添加诺基亚字符也有类似问题，只是“19”相对于“28958”（微软正黑支持字符数）不过沧海一粟，用户难以察觉哪几个字符失踪了。Kelvin收到多条求助回复说明这一事儿并非好南儿的“人品问题”。

不过这些问题字库只要用Font Forge再生成一下即可正常显示内中字符。仔细观察Kelvin的微软正黑和寒冰冷雨风的微软雅黑（带谚文版），也不是单靠FC完成的。胡同学做微软正黑想来仅靠FC，结果CJK兼容表意字显示不全。

简而言之，正确添加字符（没有犯忘了用“Paste Special”的低级错误）却显示不出，用Font Forge重新生成即可。分享fontforge-mingw-20091028：http://www.uushare.com/user/shanghaian/file/2553844

最后提醒一下，目前FC还是5.6版好，6.x排序功能执行不了（另一种较小的可能是，6.x对系统的要求太高、太高了）。

来这儿的读者可能发觉好南儿偏好微软正黑体，无论电脑还是博客。自然，手机也不例外。微软正黑体有什么优势呢？从字数角度说，它是少数收录汉字达GB18030:2000级别的矢量黑体字库之一；从字形角度说，它以旧字形为主；从字体角度说，个人以为比起微软雅黑它的纤细风格更适合手机，且hinting也优于后者。

对于这款基于微软正黑体6.01版的字库，好南儿做了较为细致的增修。比如为了补全国际音标，不是简单地把别的字库“IPA扩展”一区的字符加上，而是用姐妹字库Segoe UI连同拉丁字母各区一起换了。因为国际音标不单单是“IPA扩展”的事儿，二十六个小写拉丁字母、一些扩展拉丁字母也是音标的一部分。

增修细目：
用Kelvin的素材添加Nokia字符；
十个数字收窄；
用Segoe UI替换、补全基本拉丁字母、拉丁字母扩展A、拉丁字母扩展B、IPA扩展、进格修饰字符、音标扩展、音标扩展增补各区并添加若干类似字母符、十七个上下标数字、上标n、下标aeoxə（斜体表示实际无法显示，详见下一篇博文）；
用明了（Meiryo）添加“㈠”到“㈩”、“①”到“⑳”、“⑴”到“⒇”、六十六个西里尔字母、若干其他符号（八卦、气象、星相、日月九星、扑克花色等）若干数学运算符；
用微软雅黑替换、补全十二个大写罗马数字并添加“⒈”到“⒛”、若干零杂技术符号、一百十二个制表符、若干数学运算符。

20MB。

如果出现剃头现象，修改FontRouter.ini如下：

FixCharMetrics=0

*=*:Y3

下载页面：http://www.uushare.com/user/shanghaian/file/2553813

蹲拉地球上弒兄判刑志愿变成人造人，Kate讲著句“The heart is human and very powerful”，佢就立到天网个对立面上；

蹲拉潘多拉上顶替阿哥操控阿婆多罗，Neytiri讲著句“You have a strong heart; no fear”，佢就立到地球人个对立面上。

Sam来拉《泰坦之战》（Clash of the Titans）里向会得有啥heart呢，拭目以待……

应网友要求修缮MingLan Regular供诺基亚手机使用。

明兰是LietXia（QQ：252373009，字硏會QQ群：69633738）制作的一套字库。汉字范围同GB18030:2000，以字形旧化的明了（Meiryo）为基础，再以方正兰亭黑补全。

MingLan Regular是其中一款，特点是“基本拉丁字母”除gjpqy外字体取用Myriad Pro。

修缮Nokia字符时使用Kelvin的素材。

8.14MB。

如果出现剃头现象，修改FontRouter.ini如下：
FixCharMetrics=0
*=*:Y4

下载页面：http://www.uushare.com/user/shanghaian/file/2528602

纳维语（Na’vi language，“纳威语”、“纳美语”）是南加州大学保罗·弗罗默（Paul Frommer）教授为《阿婆多罗》（Avatar，“阿凡达”）设计个外星人语言。开首弗罗默畀拉卡梅隆（Cameron）三種语音样本，一種是汉语恁介靠声调区别意思个，一種是元音分长短个，像啥玛雅语，卡梅隆拣中第三種——有得喷音（ejective）个，譬方喇咵底野比（Lakota）、辛基得（Tlingit）咾啥个美洲土语。

下头好南儿将具体讲解纳维语个语音，一边谈发音要领，一边点评弗罗默构拟个合理性。音系主要依据Wikipedia。

纳维语里顶简单个音节就一隻V，单元音、两合元音、成音节辅音好做V；顶複杂个音节是CCVC，闭音节，外加複辅音打头，譬如英语里个“snap”（C₁是s，C₂是n，C₃是p）。

阿拉先看辅音（C）音位：

此地“x”是用来转写喷音符号个，覅担佢搭前头个字母拆开来读。也覅搭“送气”搞起来，老早子个送气符号是前单引号，而喷音用个是后单引号。
听听看卡梅隆顶顶欢喜个喷音：
[pʼᴀ]
[tʼᴀ]
[kʼᴀ]
喷音哪恁发法子个呢？口腔调音部位搭喉部一淘闭塞成阻，喉头上升，口腔除阻，喉部紧跟牢除阻。譬方侬要发喷音[kʼ]，先来拉口腔里准备好发爆音[k]（舌面后部向软腭抬起来），喉头屏牢、上挤，然后口腔、喉部先后除阻，两者推扳个辰光以毫秒计。相信经过箇番讲解，大家基本上吓了跑了。难好南儿再用弗罗默个讲法讲畀留下来个铜镬听——侬覅出气，硬劲发隻常规[k]，箇恁介发出来个就好算是[kʼ]。“覅出气”不是鼻头捏牢、嘴巴脗牢（就算是“腹语”也要靠鼻头嘴巴个），而是喉头屏牢。
世界上18%个语言有得喷音（旧译“挤喉音”），不过主要是非洲搭美洲个土著语言，阿拉平常碰大不着。作兴有人听到过種讲法——朝鲜语（“韩语”）有得“挤喉音”，非也。朝鲜语个“硬音”（ㅃ[ʔp]、ㄸ[ʔt]、ㅉ[ʔt͡ɕ]、ㄲ[ʔk]）不是喷音，而是種张声（fortis）阻音，吴语个不送气清阻音也是箇種情况。

爆音（plosive）头三隻呒啥花头，常规个清爆音。佢拉是不送气个，就像北语里向个“波”、“得”、“歌”个声母或者英语里向“spy”、“sty”、“sky”个p、t、k箇恁。但是纳维语呒没送气搭不送气个对立，个咾读成功北语里向个“颇”、“特”、“科”或者英语里向“pie”、“tie”、“kite”也问题不大。弗罗默自家读也是有辰光送气（Sancton 2009，Morrison 2009: 1:18），有辰光不送气个（Today 20091212: 2:30，Morrison 2009: 13:10）。至于声门爆音[ʔ]，讲起来蛮衰惰个。因为佢几乎是听不出个，但又确实存在。吴语方言里向，零声母阴调字（挨、欧、乌、衣）一般是以[ʔ]打头个，入声字（八、拨、剥、笔）一般以[ʔ]结尾。还是直接听音档伐——
[ᴀʔᴀ]
喷音搭爆音既好当“声母”，又好做“韵尾”。也就是讲纳维语好有得[ap'][at'][ak'][ap̚][at̚][ak̚][aʔ]恁介个音节。爆音做韵尾个辰光搭英语两样个，英语除阻蛮明显个，纳维语是无闻除阻。譬方英语“slack”[slæk]隻[k]听了蛮清爽个，而纳维语“srak”[sɾak̚]隻[k]听大不个，个咾音标高头加隻无闻除阻个符号。[ap̚]、[at̚]、[ak̚]，再加隻[aʔ]，搭闽语像头势呕，不过闽语呒没[ap'][at'][ak']。交关人学粤语、闽语、客语个辰光觉着奇怪，[p][t][k]“无闻”除阻，个还听得出是[p][t][k]啦？闲，侬只要动作到位（摆好发[p][t][k]个腔势）好唻。虽然除阻是“无闻”个，但是腔势来许，板定会得影响前头元音个音色。听——
[ap̚]
[at̚]
[ak̚]
[aʔ]
好南儿有眼奇怪，为啥弗罗默只弄两组塞音对立（喷音搭清爆音）。像弗罗默参考个北美土著语言里向，辛基得语塞音要分不送气清爆音、送气清爆音、喷音三组，喇咵底野比语塞音要分不送气清爆音、浊爆音、送气清爆音、喷音四组。要么是为英语演员着想啊？不对呀，喷音介难也用上去了，浊爆音便当来些个啥体不用呢？

鼻音里向就[ŋ]要讲脱两句，别样跳过去。全世界18%个语言有箇个软腭鼻音。不过对于习惯普通言话个人来讲，箇个是隻熟悉个陌生音。“普通话有后鼻音”，但是只好摆拉韵尾，[ŋ]不好做声母个。而那维语个[ŋ]是要做“声母”个，譬方第二人称单数nga。箇隻单词读音搭常山吴语第一人称单数、绍兴吴语第二人称複数活脱势像。
[ngɑ]

挨下来个[ɾ]么，赛过美式英语“latter”里向tt个读法，朝鲜语《Sorry，Sorry》里个rr也是第排里发音。舌尖牢快个望上齿龈轻轻较搭一记又恢復原来位置。难比较比较[ɾ]搭[l]有啥两样——
[ᴀɾᴀ]
[ᴀlᴀ]

塞擦音[t͡s]就像北语“资”个声母，跳过去。

[f][v]搭[s][z]是两对同部位清浊对立个擦音，呒啥稀奇。
但是，担擦音搭爆音[p]、[t]摆拉一淘看，就有眼问题了。纳维语呒没浊爆音，为啥有得浊擦音？根据对UPSID语音库317種语言采样个统计，有浊爆音没同部位浊擦音是常态，有浊擦音没同部位浊爆音是非主流。吴语一眼方言个浊音清化也是从擦音开始个。梦游StevC也提出类似个疑问（佢还质疑纳维语清爆音呒没送气搭不送气个对立，箇个两点好南儿搭所见略同，呵呵），弗罗默认为呒没浊爆音有得浊擦音不算牢怪个，还举出萨摩亚语（Samoan language）为例。当然，从对317種语言个统计来看，同部位浊音有擦没爆个例子虽然少，但是还是有个。不过萨摩亚语隻例子作兴不妥当，看来看去佢只有一隻浊擦音——[v]。一样是浊擦音，实际不一样，[v]恁介个浊呼音要比浊爆音好发，而[z]恁介个浊咝音要比浊爆音难发。弄了不好，萨摩亚语[v]连得浊呼音也不算，而是浊近音[ʋ]。

近音搭边近音呒啥话头，跳过去。

塞擦音、擦音ts、f、v、s、z、h只好摆拉音节个开头位置，别样辅音开头、结尾全好摆。纳维语複辅音不複杂，只有两合複辅音C₁C₂。C₁只好由塞擦音、擦音担当，C₂除脱塞擦音、擦音、声门爆音别样辅音全好担当。根据箇眼规则阿拉就好晓得，na’vi（人）读[naʔ.'vi]不读[na.'ʔvi]（“.”表示音节间隔，“’”表示重音），ikran（翼狼）读[ik.'ɾan]不读[i.'kɾan]，karyu（老师）读['kaɾ.ju]不读['ka.ɾju]。skxawng（戆大）[skʼaʊŋ]skx是两合複辅音（重申，kx是“一隻”音），wng不是複辅音，w搭前头个a组成隻两合元音，ng是一隻辅音。

好，难看元音（V）音位：

[i][ɪ][ɛ][æ][u]就像英语里箇恁发就可以了，不过英语[ɪ][ɛ][æ]是短音，纳维语不分长短个。[o][a]就像上海吴语“哑”“啊”箇恁发。
[ɪ]
[ɛ]
[æ]
[o]
箇个是七隻单元音，纳维语还有四隻两合元音，aw[aʊ]、ew[εʊ]、ay[aɪ]、ey[εɪ]。[aʊ][ɛɪ][ɛɪ]接近英语“how”“hi”“hay”个元音。[ɛʊ]有眼衰惰，好南儿呒没箇个音档，例子举起来也不便当——箇隻双元音客语蛮常见个，吴语里向像煞只有龙泉、泰顺“欧”接近。只好箇恁想，[əʊ]是从[ə]望[ʊ]滑，[ɛʊ]就是从[ɛ]望[ʊ]滑。

除此之外，还有ll[l̩]、rr[r̩]两隻成音节辅音好充当元音。前者大家蛮熟悉个，英语bottle个“le”就是类似个发音。区别在于，英语隻le是“暗l”[ɫ̩]，舌面后部要抬起来个；而纳维语ll是“明l”[l̩]，调音个动作搭佢做辅音个辰光一样个，舌面后部好甮抬起来。r就没介便当了，先头讲过，辅音r是龈搭音[ɾ]，而做元音个辰光（写成功rr）佢是隻龈颤音[r̩]，外加是自成音节——好搭前头个辅音相拼，不好搭后头个元音相拼。
[rᴀ]
重申，音档里龈颤音是带元音发个，纳维语里不许带元音。

纳维语元音不分长短，也呒没声调，但是有得重音。túte[ˈtutɛ]是“人”，tuté[tuˈtɛ]是“女人”。

纳维语还有種重要音变——单词加著特定个前缀，喷音会得弱化成相应个爆音，声门爆音消失，别样爆音搭塞擦音弱化成相应个擦音。

压末阿拉再听两隻单词个发音：
Eywa['ɛɪ.wa]（爱娃，类似地球个“盖娅”）
ikran[ik.'ɾan]（翼狼，纳维人个空中坐骑）
kllkxem[kl̩.'kʼɛm]（立）
krrpe[kr̩.'pɛ]（啥辰光）
Na’vi[naʔ.'vi]（人，纳维人）
skxawng[skʼaʊŋ]（戆大）

参考
Lakota language，《Wikipedia》
Na’vi language，《Wikipedia》
Na’vi Vocabulary
Samoan language，《Wikipedia》
Tlingit language，《Wikipedia》
BOYLE,Alan 2009 How to speak ‘Avatar’
MORRISON, Patt 2009 The language of Avatar
polyhedron 2010 Re: Avatar若用中古漢語音譯用什么字好
SANCTON, Julian 2009 Brushing up on Na’vi, the Language of Avatar
SKARBØ, Kristian 2000 A Sound Reference to the IPA
Today 20091212 How to speak Na’vi
ZIMMER, Benjamin 2009 Some highlights of Na’vi
陶寰 2003 吴语一等韵带介音研究——以侯韵为例
瞿霭堂 2007 瞿霭堂国际音标发音
朱晓农 2004 实验语音学和汉语语音研究
朱晓农 2006 从群母论浊声和摩擦——实验语音学在汉语音韵学中的实验
朱晓农 2007 说鼻音
朱晓农 2009 发声态的语言学功能
游汝杰 1995 吴语里的人称代词
曹志耘 2002 《南部吴语语音研究》
赵元任 1980 《语言问题》

处理古僻汉字，就用Unicode字集里向个汉字——目前收录个统一汉字已经有得74394隻。假使箇个里向还寻不着侬要个字，个么就用IDS表示，文章不打印个说话尽量覅自家造字。

Unicode里向搭汉字搭界个字块包括汉日朝统一表意字（CJK、汉统，20940隻）、汉日朝统一表意字扩充甲（Ext-A、扩甲，6582隻）、汉日朝统一表意字扩充乙（Ext-B、扩乙，42711隻）、汉日朝统一表意字扩充丙（Ext-C、扩丙，4149隻）、汉日朝部首增补、汉日朝笔劃、汉日朝兼容表意字、汉日朝兼容表意字增补咾啥。下头阿拉主要讨论汉日朝统一表意字四隻字块七万五千隻汉字个事体。至于一般性个繁体字、异体字，任何支持GBK个输入法（譬方微软、紫光、Google）全好解决，本文不再赘叙。

0.0.1 Unicode里向四块汉日朝统一表意字

Unicode 1.0.1初建“汉日朝统一表意字”时，收字20902隻，Unicode 4.1箇块加著22隻字符，Unicode 5.2箇块又加著16隻。20902隻字符GBK全收入个，22隻字符GB 18030收著8隻部首。个咾汉统压末38隻字符一般性个字库顶多显示8隻，

Unifonts 5.4好显示22隻。

目前还没啥个字库、输入法完整支持汉统20940隻字符，为著讲下头提到啥个字库、输入法，呒没特别说明，“汉统”基本上指20940隻字符个汉统。至于GBK、GB 18030里摆拉私用区个字符此地不考虑。

侭管扩甲搭扩乙里向个字GB 18030全收录了，但是市面上支持扩甲个字库好好较要比支持扩乙、扩丙个多（详见0.1节）。箇个我想主要是因为前者位于Unicode多语基本面（BMP），而位于表意增补面（SIP）个后者处理起来比较複杂，外加字库文件一般只好容纳六万多隻字符——而汉统加著扩甲再加扩乙就要超过七万隻了。

0.0.2 Windows对扩充汉字个支持

Windows系统从2000版开始以UTF-16为机内码，也就是讲从箇隻版本开始支持位于表意增补面个扩乙、扩丙汉字。不过支持归支持，要担佢拉显示出来还要另外寻字库——Win2k发布个辰光扩乙、扩丙还朆建立唻。

至于2000版之前个Windows，只好支持位于多语基本面个汉统搭扩甲。

0.1 字库

上头讲过，有著操作系统对Unicode编码个支持，还要靠相应个字库来显示。下载好字库，除脱exe文件好自动安装之外，字库文件要侬自家拖到Windows＼Fonts文件夹里。

0.1.1 宋体-18030

来拉微软针对Windows 2000提供“GB18030 Support Package”里向，用来支持GB 18030:2000字集（汉统＋扩甲）。

0.1.2 宋体-方正超大字符集

来拉MS Office XP、2003“简体中文版”里向，收字包括汉统＋扩甲＋部分扩乙（因为佢是单隻头个字库文件，扩乙只好摆一部分）。

0.1.3 Windows Vista、7里个宋体、细明体、黑体、楷体、仿宋

Windows Vista搭7里向个黑体、楷体、仿宋全是支持GB 18030:2000个（汉统＋扩甲），宋体、细明体除脱汉统、扩甲，还支持扩乙。

0.1.4 Unifonts

海峰做个Unifonts 5.4（中日韩汉字超大字符集通用字体支持包）支持汉统+扩甲+扩乙+扩丙，包括宋体搭细明体两套。

直接下载

Vista以后个宋体字库汉统搭扩甲摆拉SimSun里向，扩乙摆拉SimSun-ExtB里向；而Uniconts扩甲摆拉Sun-ExtA里向，扩乙搭扩丙摆拉Sun-ExtB里向。

0.1.5 楷体-方正超大字符集

来拉文渊阁四库全书电子版3.0里向，汉统＋扩甲＋扩乙。我也没用过，估计分两隻文件个。

下载页面 

0.1.6 宋体-全汉字集

采采卷耳做个字库，汉统+扩甲+扩乙。

直接下载

0.1.7 BabelStone Han

Andrew WEST做个字库，对于汉日朝统一表意字朆完全支持，但是汉统压末38隻字符佢全好显示个。

直接下载

0.2 储存文档注意事项

讲哪恁输入古僻汉字之前，再啰唆两句GBK外汉字哪恁储存个问题。

0.2.1 txt

储存辰光要拣“Unicode”，侬拣“ANSI”只好储存GBK范围个汉字。

0.2.2 html

储存辰光charset要设为“utf-8”，侬写“charset=GB2312”么只好储存GBK范围个汉字。

0.2.3 sql

由于MySQL本身个虱误，用佢做数据库个论坛（譬方Discuz!）、部落（譬方WordPress）通常不支持位于SIP个扩充汉字。个咾好南儿部落对于扩充汉字全用IDS表示，侭管MySQL支持扩甲。

0.2.4 余论

眼门前除脱眼汉语言文字专题论坛、在线汉语辞典、基于Wiki个网站，基本上呒啥网站支持扩充汉字。搜寻引擎里向，Google支持扩充汉字，“更懂中文”个百度不支持。

1.0 寻字

难要正式介绍哪恁输入了。箇节是写畀难般打古僻汉字个铜镬看个。

1.1 “字符映射表”

来拉“附件＼系统工具”里向。拣好“字体”，拣中“高级查看”，再拣“字符集”、“分组”。双击需要个字符再点“复制”就好拷到侬需要个地方。不过只好寻寻GBK范围内个汉字。

1.2 MS Word

插入＼符号，拣“字体”、“子集”，双击字符就好插入。支持汉统＋扩甲＋扩乙＋扩丙，子集阿拣得着取决于字体，Unifonts扩乙搭扩丙全摆拉Sun-ExtB里向。

1.3 别样Office

2009版个OpenOffice.org Writer“插入＼特殊字符”、永中集成Office“插入＼符号”、WPS 文字“插入＼符号”用法类似MS Word，不过永中搭WPS不支持SIP个扩充汉字。

1.4.1 BabelMap

BabelMap 5.2汉统（完整个20902+38）＋扩甲＋扩乙＋扩丙和总支持，家生菜单里向寻用部首、拼音（北语、粤语）查汉字个效件。

部首寻字当心，只有简化字是用大陆现在个标准数笔劃，繁体字搭朆简化个传承字全要按传统字形数。部首一律式康熙部首。譬方“骚”是马部九劃，“騷”搭“搔”分别是馬部十劃、手部十劃（传统字形“叉”左边还有一点）。

下载页面

1.4.2 BabelPad

BabelPad 5.2是包括BabelMap个文字编辑器（唯独不包括临时装载字库个功能），当然支持汉统（完整个20902+38）＋扩甲＋扩乙＋扩丙。

下载页面

2.0 打字

上头箇眼办法侬难般用用呒告，常庄要寻牢衰惰个。箇节就不讲寻字哉，讲哪恁打字。

2.1 紫光华宇拼音输入法

紫光6.6结煞版支持汉统＋扩甲＋扩乙＋扩丙，作兴是汉拼输入法里向独一个。拼音模式、笔劃模式，全好输入。不过拼音模式收字不全个，因为汉日朝统一表意字四隻字块里向有得交关日语、朝鲜语、越南语、壮语、白语个造字，定普通言话读音牢困难个，也呒啥必要。而笔劃模式不受影响，横竖楷书体系个字总归好用“B＋h横s竖p撇n捺d点z折”输入个。

记得老早紫光2.01也是顶早支持GBK个输入法之一，当时Windows系统输入法只有全拼输入法支持GBK，但是全拼个效率大家全有数脉个。后首紫光以5.0版重出江湖个辰光，担“大字符集”去脱了话咾，个好南儿也只好放弃了，直到箇两年6.0出现。

下载页面 

2.2 别样拼音输入法

别样拼音输入法也只有眼吴语输入法（譬方上海话输入法）好输入扩充汉字，不过仅限于散拉扩甲、括乙里个吴语常用字。而基于汉拼个输入法顶多通过担自家需要个扩充汉字摆拉“自定义短语”里向个方式来曲线救国，就像好南儿来拉紫光6.5时代所做个尝试。箇種方式要求输入法支持Unicode，“谷歌”拼音输入法、加加输入法可以做到。

2.3 海峰五笔

海峰五笔9.5支持汉统+扩甲+扩乙+扩丙，好拣86咾98个五笔规则。

直接下载

2.4 别样五笔输入法

菩提五笔支持汉统+扩甲+扩乙+扩丙；小鸭五笔支持汉统+扩甲+扩乙。

2.5 文渊郑码

支持汉统+扩甲+扩乙+扩丙，扩丙作兴有问题。

下载页面 

2.6 山人通用输入法

估计支持汉统+扩甲+扩乙+扩丙，估计汉统是完整个20902+38。输入码是山人全息编码。

下载页面

2.7 逍遥笔

逍遥笔6.5支持汉统+扩甲+扩乙，手写输入（用鼠标就可以了）。左下角隻数字要拣好——4是GB 2312，5是GBK，6是汉统＋扩甲，7再是汉统+扩甲+扩乙。

直接下载

2.8 五代仓颉

第五代仓颉输入法2008年版支持汉统+扩甲+扩乙。

下载页面

3.0 网上家生

介绍两隻网站，主要是寻字派用场。

3.1 Unihan

Unicode正网，当然支持顶新版个Unicode，支持汉统（完整个20902+38）+扩甲+扩乙+扩丙。

侬好用罗马字寻（粤语、北语、日语音读搭训读、朝鲜语咾啥），网址我不写——汉字同音字多得了吓煞人，用罗马字寻牢容易死机个。

也好用部首寻，注意事项同1.4.1。

3.2 叶典

叶典高头侬好用“两分法”寻古僻字。譬方要寻“⿱勿好”，侬也用不着想部首是“丿”、“勹”、“女”还是“子”，就打“勿好”寻。

自称支持汉统＋扩甲＋扩乙＋扩丙＋扩丁＋扩戊。扩丁、扩戊两隻字块Unicode还朆定唻，让佢去。

4.0 Unicode里没个字

碰着Unicode里没个字，网友大概一般会得箇恁描述：““牙合””、“{牙合}”、“左牙右合”……

4.1 IDS

阿拉还是用IDS（Ideographic Description Sequence，表意描述序列）比较好，看上去清爽。

先写隻表示结构个表意描述符，譬方“⿰”，再写箇隻结构里用着个部件“牙合”，併拢来就是“⿰牙合”。

上头箇个字邪气简单，碰着複杂点个结构，要表意描述符（⿰⿱⿲⿳⿴⿵⿶⿷⿸⿹⿺⿻）嵌套组合。譬方“渠”是“⿱⿰氵巨木”——先讲佢是上下结构，再讲佢上头是隻左右结构个部件，左边是“氵”，右边是“巨”，左右结构描述完成，再讲上下结构下头是“木”。而“渠”加著“亻”个后起本字就好描述成“⿰亻⿱⿰氵巨木”。再複杂点，山西種面个名字（“biangbiang面”）就是“⿺辶⿳穴⿲月⿱⿲幺言幺⿲長馬長刂心”。

4.2 造字

文章要打印出来，个没办法。假使网络高头传来传去、电脑高头看看就可以了，个么还是覅去造字。因为造出来个字侬臺电脑高头好看，传畀人家，人家看不出。举隻例子，比较啰唆，可以覅看——因为好南儿例子举好也不会讲解造字个。

09年7月27号个《新民周刊》有篇王悦阳个《寻觅上海记忆》，来拉“谁是张承裕？”一节里向提到“张聋⿱彭耳”。“⿱彭耳”是隻上“彭”下“耳”个字，其实箇个字扩充乙块里有拉，但像煞排印个辰光是另外造字个，网上登出来个是“张聋■”。虽然讲佢拉造个字阿拉看不到，但是凭吴语语感猜得出隻缺字是“⿱彭耳”。凤凰网转载，担“■”当垃圾和总去脱，难么读者就不晓得缺脱隻字。人民网转载还要嗲，担所有“张聋■”改成功“张承裕”、“张”。本生一句“张聋■这个古怪的名字的由来本身就充满着传奇色彩”变成功“张承裕这个古怪的名字……”，也不晓得“张承裕”箇个名字怪拉啥地方。

5.0 参考

白云深处人家《計算機漢字處理基本知識  漢字字體下載》